لندن ۔۔۔ آپ کی آواز۔۔۔۔ پاکستان مسلم لیگ (ن)برطانیہ کے مرکزی سیکرٹری اطلاعات اقبال سندھونے کہا ہے کہ دوچار زیرومنتخب حکومت کوزیر نہیں کرسکتے ۔پیپلزپارٹی بھی ایک بڑازیرو ہے وہ تاریک انصاف کاسہارا نہیں بن سکتی ۔عمران خان نے شاہراہوں پرآنے کاشوق پوراکرلیا اب آصف زرداری کوبھی اپناشوق پوراکرنے کاپوراپوراحق حاصل ہے ۔کپتان عمران خان کی جاتی امراءرائیونڈ کامحاصرہ کرنے کی دھونس میں کوئی دم نہیں ،موصوف غلطی سے بھی ہمارے کارکنوں کومشتعل کرنے کی غلطی نہ کریں۔اگرہمارے کارکنوں نے عمران خان کے محل کارخ کرلیا توانہیں راہ فرارنہیں ملے گی ۔عمران خان اورآصف زرداری کاگٹھ جوڑ جمہوریت کاکچھ نہیں بگاڑسکتا ۔وہ ایک تقریب سے خطاب کررہے تھے ۔اقبال سندھو نے مزید کہا کہ عمران خان پارلیمنٹ بیٹھ کر حکومت پرتنقید اورتعمیری سیاست کریں ،پاکستان میں آپریشن عضب ضرب جاری ہے لہٰذا ءہماراملک انارکی کامتحمل نہیں ہوسکتا۔وزیراعظم میاں نوازشریف اوروزیراعلیٰ پنجاب میاں شہبازشریف نظریاتی جبکہ عمران خان اوران کے حواری نظریہ ضرورت کی سیاست کررہے ہیں۔انہوں نے کہا کہ اگرعمران خان واقعی احتساب کے حامی اوراس کیلئے سنجیدہ ہوتے توان کاطرزسیاست ایسا نہ ہوتا۔پاکستان تعمیر وترقی کی شاہراہ پرگامزن ہے،منفی سیاست برداشت نہیں کی جاےءگی ۔انہوں نے کہا کہ عمران خان انتخابات میں شکست کی خفت مٹانے کیلئے جمہوریت کوڈی ریل کرنے کے درپے ہیں۔عوام نے دھرناسیاست کادھڑن تختہ کردیا ۔انہوں نے کہا کہ اگرعمران خان نے جاتی عمراءکامحاصرہ کرنے کااپنااحمقانہ بیان واپس نہ لیا توہمارے کارکنان ہرفورم پران کامحاصرہ اورمحاسبہ کریں گے ۔

iqbal-sandhu