آپکی آواز۔۔۔اوسلو(عقیل قادر)۔سفارتخانہ پاکستان اوسلو میں یوم آزادی پاکستان کے حوالے سے پرچم کشائی کی پُروقار تقریب منعقد، سفیر پاکستان رفعت مسعود نے قومی پرچم لہرایا۔تقریب میں پاکستان پیپلز پارٹی کے چیئرپرسن بلاول بھٹو زرداری، یوسف رضا گیلانی، قمر زمان کائرہ ، مرکزی پارلیمانی سیکریڑی حکومت پاکستان رانا محمد افضل اور میاں طارق محمود ایم پی اے کی خصوصی شرکت۔ یوم آزادی کی تقریب سے قبل سے یوم آزادی کی خوشی میں 14 اگست کمیٹی ناروے کے زیر اہتمام بچوں کی ریلی نکالی گئی جس میں بڑی تعداد میں لوگوں نے اپنے بچوں کے ہمراہ شرکت کی جبکہ ریلی کی قیادت پاکستان پیپلز پارٹی کے چیئرپرسن بلاول بھٹو زرداری، یوسف رضا گیلانی، قمر زمان کائرہ اور چودہ اگست کمیٹی ناروے کے چیئرمین عامر جاوید شیخ نے کی۔ جس میں لوگ پاکستان اور ناروے کے جھنڈوں کو ہاتھوں میں اٹھائے پاکستان زندہ باد کے نعرے بلند کرتے رہے۔ ریلی کا آغاز فروگنر پارک سے کیا گیا جبکہ اختتام سفارتخانہ پاکستان میں ہوا۔