آپکی آوازاوسلو(عقیل قادر) اوسلو کی معروف سماجی شخصیت سعید محمود نے اپنے گھر پر ماہ ربیع الاول کے سلسلے میں محفل میلاد النبی کا انعقاد کیا جس میں بڑی تعداد میں اہل علاقہ اور انکے دوست احباب نے شرکت کی۔ پروگرام کا آغاز تلاوت قرآن سے کیا گیا اور حضور نبی کریم کی بارگاہ اقدس میں نعت خوانوں نے ہدیہ عقیدت پیش کیا۔ان میں حاجی شیخ افضل، حاجی احمد اعوان، صاحبزادہ معصوم زبیر ، صاحبزادہ سعید زبیر ،یسیٰن سعید، احسن شہزاد اعوان اور دیگر شامل ہیں۔ نعت خوانوں نے خوبصورت کلام پیش کیا اور حاضرین محفل میں جھوم جھوم کر حضور نبی کریم پر درود پاک پڑھتے رہے۔ دوران نعت کئی رقت آمیز مناظر بھی دیکھنے میں آئے اور حاضرین نعرہ تکبیر و رسالت بلند کرتے رہے۔ محفل سے صاحبزادہ معصوم زبیر نے عام فہم انداز میں اصلاحی خطاب فرمایا جس کو حاضرین نے خوب سراہا۔ خصوصی دُعا خواجہ محمد زبیر سجادہ نشین دربار موہری شریف نے کرائی۔ محفل کے اختتام پر مہمانوں کے لیے اعلیٰ قسم کے کھانوں کا بہترین انتظام کیا گیا تھا۔۔

aqil dadir-jan-16

aqil dadir-jan-16-1