ڈنمارک ریڈیو سے “آپ کی آواز” پروگرام میں بلآخر میری بات ہو ہی گئی . بہت بہت شکریہ راجہ غفور صاحب . جو کہ اس پروگرام کے اینکر بھی ہیں . کئی ہفتوں سے آپ مجھے سے رابطہ کرنا چاہ رہے تھے . لیکن میری مصروفیات کے سبب آپ سے بات نہیں ہو پا ریی تھی . جس کا مجھے بھی افسوس تھا . میں چونکہ خود سے رابطے کر کے منتیں کر کے کہیں بھی ریڈیو اور ٹی وی پر اپنے انٹرویوز کروانے کے شوق نہیں رکھتی . اس لیئے اپنے کاموں پر ہی توجہ مرکوز رکھتی ہوں . . لیکن آپکا اصرار اور خلوص دیکھ کر مجھے بھی آپ کے پروگرام میں بات کرنا مناسب لگا . آپ نے مجھے کھل کر اظہار خیال کا موقع دیا . جس کے لیئے میں آپ کی تہہ دل سے ممنون ہوں . سٹوڈیو میں آپ کیساتھ موجود سیاسی اور سماجی شخصیت بہت پیاری اور جرات مند خاتون لبنی الہی صاحبہ بھی موجود تھیں ان سے بات کر کے بھی دلی مسرت ہوئی . 2015 میں صدف مرزا صاحبہ کی تنظیم کی جانب سے خواتین کے ووٹنگ رائٹس کی صد سالہ تقریبات کے حوالے سے ایک کانفرنس میں شرکت کرنے کا موقع ملا تھا تو وہیں لبنی الہی صاحبہ سے بھی ایک خوبصورت ملاقات ہوئی تھی . ان کے کام.انکی پہچان ہیں ماشاءاللہ . ڈنمارک کوپن ہیگن اور صدف مرزا صاحبہ (جو.ہماری بیحد پیاری دوست ہیں ) ایک ساتھ اپنی پہچان رکھتے ہیں . ان کے بعد آج مدت بعد کے بعد آپ سے بات ہوئی تو بہت اچھا لگا ا . . تارکین وطن کی رہنمائی اور اصلاح کے حوالے سے آپ کے ریڈیو کی کوششیں.قابل قدر ہیں . آپ اور آ پکے سامعین سلامت رہیں ۔ممتاز ملک کا مکمل انٹر ویو سُننے کیلئے تصویر پر کلک کریں۔